الحياة متلخبطه
والصورة اخر شخبطه
والناس ماشيه متخبطه
صراحه حياتنا غريبه
واحوالنا بقت عجيبه
راحت فين الطيبه
فينك يا مصر الحبيبه
رحتي مننا فين
يا مصر يا ام البنين
انا عندي ليكي حنين
بيحبك الشيخ والجنين
عارفين عارفين مصر مين
الفراعنه الدوله الابيه
مصر الامه العربيه
مصر ام الدنيا ديه
مصر بلد الحضارة والنيل
مصر بلد التمر والنخيل
مصر التواشيح والمواويل
مصر الجد والبيت الكبير
مصر يعني العطف علي الصغير
مصر اول من وحد الاله
وعرفت ان في الدين النجاه
مصر ام كلثوم والعندليب
مصر زويل وطه ونجيب
مصر حسن شحاته والخطيب
البابا تواضرس والشيخ الطيب
مصر يعني عمل الخير والطيب
مصر يعني الازهر الشريف
مصر يعني المسيحي العفيف
مصر يعني اكرام الضيف
مصر مستقبلها مش هيكون مخيف
مصر بلد الدفا والربيع
مصر ذات الجو البديع
مصر بلد الثروات والثورات
مصر تبقي ناصر والسادات
خليك في اللي جاي وانس اللي فات
مصر اللي دمرت خط برليف
مصر جيكا وكريستي وابو ضيف
مصر الجندي وخالد سعيد
حطمنا كلمه مستحيل او بعيد
مصر جلال عامر مصر جاهين
مصر اليساريين مصر السلفيين
مصر حزب الكنبه والليبراليين
مصر مهبط الديانات
مصر ارض الرسالات
مصر مصطفي كامل واحمد عرابي
الارض دي ارضي وده ترابي
مصر بلاد الحركه الوطنيه
مصر بلاد هدي وصفيه
باحثه الباديه وكمان دريه
مصر بلد كليوباترا وحتشبسوت
ولا يمكن ابدا مصر تموت
بحبك يا بلدي وبقولها باعلي صوت
الابنودي وهشام واحمد نجم
قصائدهم حكت المستقبل وحلمت بالحلم
قال هشام مزق دفاترك القديمه كلها
والابنودي قال ان الاوان تكوني قدها
واحمد فؤاد نجم غني لمصر وشعبها
عرفتوا بقي مصر مين
مصر الجيش والفدائيين
مصر صامده طول السنين
مصر باقيه ليوم الدين
بحبك وكلي شجن وحنين
واللي يدعيلك اقول امين
واللي يئذيكي ملوش دين
يا بلدي ارفعي في السما الجبين
ولادك هيحموكي من المخربين
25/8/2013
ممنوع النقل
موضوع: مصر كلها في قصيده بقلمي 
الأحد أغسطس 25, 2013 5:13 pm